शाळेतली पोट्टी

शाळेत होता माया एका पोट्टीवर डोळा 

पण तिचा होता एक बॉयफ्रेंड भोळा 

म्या आता त्याले धमकवाच ठरवल

अन पोट्टीले माया मनात भरवल 

पोट्टी होती ते लईच गोर 

जसे बागेत नाचताहेत कावळे आणि मोर 

मलेबी दाखवाचा होता आपला जोर 

शिरायच होत जसा हृदयाचा चोर 

तिले आता मले पट्टवाचच होत 

बॉयफ्रेंडले तिच्या रस्त्यातुन हटवाचच होत 

म्हणुन करू आता एकच काम 

बोलवू लढाले अन करू तमाम 

त्याले धमकवासाठी सोबती जमवले 

हाता पाया पडत त्यांले मनवले 

म्या त्या पोट्याले डोक्यातच मापला 

लढासाठी चाकू घरातूनच ढापला 

म्या आता लढासाठी झालो तयार 

होते आता मायाजवळ शस्त्र अपार 

तो होता मैदानात आधीच हजर 

आम्ही झालो लेट कारण सायकल पंचर 

तो पोट्टा होता पहेलवान भारी 

आम्ही सगळे चिरकूट धारी 

त्याले पाहूनच माये सोबती पळाले 

मी होतो एकटा अन माया तोंडावर टाळे 

म्या मारले पाय उचलला माया 

पॅन्ट टरकन फाटली अन इज्जत गेली वाया 

टेलर न राव घोटाळाच केला 

उधारीत बरोबर शिवून नाही दिला 

म्या आता मानली मायी पटकन हार 

पडलो त्याच्या पाया अन जालो पसार

गेलो धावत टेलर कड अन दिल्या दोन शिव्या 

त्याची पोट्टी तिकडून आली म्हणे जाऊदे न बाव्या 

टेलर वाल्याची पोट्टी लयच भारी 

नाजूक तीच नाक सुंदर होती सारी 

आवाज होता जणू कोकिळेचा थवा 

लईच गोड होती तुम्हाले काय सांगू बावा 

म्या आता ठरवलं ईलेच पटवाच 

टेलर वाल्याला सासरा आपनच बनवाच

पोरी एवढ्या गोड, कावून रायते कळत नाही 

आम्ही आहोत कोळसे, तरी आमले अभिमान लयी.