सावर रे मना
सावर रे मना
सावर रे मना सावर
चढ उतारांचे आहे घाट
मार्गक्रमण करीत राहा
अडचणीतून काढ वाट
अपयश येईल तुज
निराश नको होऊ तू
आव्हानांचा सामना कर
दुःखी नको होऊ तू
संकटे येती अचानक
पर्वतासारखी राहती उभी
दृढ निश्चय कर तू
उंच झेप घे नभी
स्वार्थी मोहमायी रंगीन
दुनियेत नकोस फसू
टिंगलटवाळी करुन
करतील तुझं हसू
खंबीरपणे उभा राहून
अथक कर परिश्रम
नाही कधीच जाणार
वाया तुझे श्रम