स्त्रीशक्ती
स्त्रीशक्ती
1 min
472
अनादी काळापासून
नारी ऐकतो तुझ्या कथा
कौतुकास्पद असतात
नेहमीच शौर्याच्या गाथा
चंदनापरी संसारात
नेहमीच झिजवते काया
कुटुंबाची वणवण होवू नये
पदराखाली देते माया
माता, बहिण, पत्नी, मुलगी
विविध भूमिकेत कमाल
यशोशिखरेही पादाक्रांत केलीस
स्त्रीशक्ती तुझ्या कर्तृत्वाला सलाम
दृष्टप्रवृत्तीचा संहार व्हावा
म्हणून होते महिषासुरमर्दिनी
रणांगणात मर्दानी पराक्रम
दाखवून झालीस तू रणरागिणी
तुझ्याविणा अपुरा हा
मानवी जन्म नारी
समस्त मानव जातीला
त्याग, कष्टाने नेहमी तारी
समाजात वावरताना
असू द्या आदराचे स्थान
प्रत्येकाच्या नजरेने द्यावा
तिला मान-सन्मान