लाइब्रेरी
प्रोफाइल
साथ
साथ
1 min
222
तेजोमयप्रकाश ही विशेषता सूर्याची
त्यासाठी सूर्याला हवी साथ प्रकाशाची
सुगंधित दरवळ ही विशेषता फुलांची
त्यासाठी फुलाला हवी साथ परीमळ सुगंधाची
उत्कृष्ट कला ही विशेषता कलाकाराची
त्यासाठी कलाकाराला हवी साथ विविध कलाकृतींची
सखोल ज्ञान ही विशेषता पुस्तकांची
त्यासाठी पुस्तकाला हवी साथ ज्ञानाची
निर्मळ संस्कार ही विशेषता संताची
त्यासाठी संतांना हवी साथ सुसंस्काराची
तसेच चंचल मनाला हवी साथ सर्वज्ञानाची,
सुविचारांची नि कलेची
शांत चित्त विशेषता आनंदी हृदयाची
त्यासाठी हृदयाला हवी साथ शांत, संयमी चित्ताची
प्रेमाची नि सर्वोच्च विचारांची
ओठांवरती स्मितहास्य अन् शांत मन
यांच्या संगतीने सुरू ठेवावी
यात्रा या आनंदमय, रहस्यमय, सुंदर जीवनाची....
