सामर्थ्य ती चे

ती नाजूक कोमल भासे

तिमिर छेदणारी वात असे

 काळोख संपवते 'ती '

इवलीशी पणती असे

पाठी घेऊन झोळी 

अनवाणी चालते 'ती '

रक्तबंबाळ चरण जरी

 तान्ह्याला सावरते 'ती '

खचला कधी भ्रतार असे 

तया सावरते 'ती '

खिन्न मनी तो जरी दिसे 

मनोमन घाबरते ' ती '

कोसळल्या जरी भिंती 

छत करीते पदराचे ' ती '

 वादळ वारे येवोत कितीही 

डगमगू न देते नौका कधी ' ती '

कुटुंबाची नाळ जोडूनी 

रेशमात गुंफते 'ती '

काट्यांनाही फुले मानूनी

 परिधान ते हार बनवूनी ' ती '