सामर्थ्य ती चे

ती नाजूक कोमल भासे

तिमिर छेदणारी वात असे

 काळोख संपवते 'ती '

इवलीशी पणती असे  !१!

पाठी घेऊन झोळी 

अनवाणी चालते 'ती '

रक्तबंबाळ चरण जरी

 तान्ह्याला सावरते 'ती ' !२!

खचला कधी भ्रतार असे 

तया सावरते 'ती '

खिन्न मनी तो जरी दिसे 

मनोमन घाबरते ' ती '  !३!

कोसळल्या जरी भिंती 

छत करीते पदराचे ' ती '

 वादळ वारे येवोत कितीही 

डगमगू न देते नौका कधी 'ती' !४!

कुटुंबाची नाळ जोडूनी 

रेशमात गुंफते 'ती '

काट्यांनाही फुले मानूनी

 परिधान ते हार बनवूनी 'ती ' !५!