Library
Profile
ऋतुराज वसंत
ऋतुराज वसंत
1 min
237
मी पानगळ संपवणारा
मी नवचैतन्य देणारा
आसमंता ऐक माझेे
मी ऋतुराज सृष्टी तुझी फुलवणारा
मृगतृष्णा भरलेल्या नजरेला आल्हाद आम्रबहारांचा देणारा
जिभेवर रंगाळणारी लालसा
नी घोट पाण्यानी भरणारा
मी नवलाई मी पूर्वाई
मी ऋतुराज उधाण वार्याला देणारा
हिंदोळ्यावर झुलणार्या मनाला आठवण सईची देणारा
चहुदिशाचे लाल गुलाब स्मृतीत भिजवणारा
मी प्रेम गाणी मी प्रेम कहाणी
मी ऋतुराज संबंंध आसमंत व्यापणारा
चराचर रंगणार्या रंगाला देण रंगोत्सवाची देणारा
इहलोकी स्वर्ग सुखाचा वसंत उत्सव रंगवणारा
मी श्रीरंग मी वसंत
मी ऋतुराज अवघा रंग एक होणारा
मी पूर्वाध ग्रीष्माच्या झळा सोसणारा
मी उतरार्ध शिशिराचा गारठा संंपविणारा
ऋतुचक्रा ऐक माझे
मी ऋतुराज भूलोकी सृजन सोहळा निर्मिणारा
