लाइब्रेरी
प्रोफाइल
रंग काळा...
रंग काळा...
1 min
192
परिष्कार अस्तित्वाचे
रंग काळा स्विकारतो
घनघोर अंधाराचे
भय उरी दडवतो.......१!!
मान्य हि अभिजातता
काळ्या रंगाचे वैशिष्ट्य
दोषारोषणास साहे
तरी हसरेच औष्ठ्य......२!!
दोषासह गुणांनाही
जोपासतो काळा रंग
काळी माती गाई गाणी
पिकवतो धान्य अंग..... .३!!
डोळ्यातल्या काजळाला
गारव्याची शीत हवा
सौदर्याला खुलविण्या
केस संभार बरवा......४!!
भव्य सहनशीलता
शक्ती काळ्या या रंगात
सर्व रंगा सामावून
घेण्या ध्यानस्थ नादात.......५!!
