रक्षाबंधन

*रक्षाबंधन*......

सण नाही फक्त राखीचा,

भेट मिळेल या बाकीचा.

*रक्षाबंधन*......

सण आहे प्रेमाचा,

आपुलकी आणि जिव्हाळ्याचा,

हरवलेल्या भावाचा,

 सापडत नसलेल्या नावाचा.

*रक्षाबंधन*........

सण जुन्या आठवांचा,

मनात साठलेल्या साठवांचा,

सासरी भावाला पाहून,

डोळ्यात दाटलेल्या आसवांचा.

*रक्षाबंधन*........

सण आई-बाबांच्या स्मृतीचा,

त्यांच्या मागं भावाच्या कृतींचा,

राखीला तरी येरे असं,

विणणाऱ्या बहिणीचा.

*रक्षाबंधन*........

सावरू पाहणाऱ्या पण,

विस्कटलेल्या नात्यांचा

आई-बाबा नंतर जपलेल्या

एकमेव प्रेमाच्या धाग्याचा.