थोड़ी शाळा शिकु दे........

नको सागराची माया

नको आभाळ शिवाया,

फक्त जाऊ दे ग मला

थोड़ी शाळा शिकाया।।

थोड़ शिकीन लिहाया

थोड़ शिकीन वाचाया ,

शिक्षणानं मी ग आई

थोड़ शिकीन जगाया।।

गणित शिकीन सोड़ाया

इंलिश बोलाया, लिव्हाया,

वादळ ग मोठी मोठी

मी शिकीन पेलाया,

भाउसंग मी जाईन

त्याच्या सोबत राहीन,

नको घाबरु तू आई

घरी काम बी करिन।।

दोन राहीन घरात

शोभा वाढविल अंगणात

जन्म लेकिचा घेतला 

म्हणून नको मारू उदरात।।