राष्ट्रीय प्रतीके

मोर आपला राष्ट्रीय पक्षी

त्याचे पंख किती नक्षीदार

पावसाळ्यात नाचतो छान

पिसारा फुलवितो डौलदार ।।

कमळ आपले राष्ट्रीय फुल

चिखल जेथे तिथे उगवतो

कुठे पांढरा कुठे रंगीन असा

हा प्रत्येकाला फार आवडतो ।।

वाघ आहे आपला राष्ट्रीय पशू

त्याला बघून होते सर्वांची थरकाप

अंगावर आडव्या काळ्या पट्टया

डोळ्यात दिसतो त्याच्या संताप ।।

राष्ट्रीय फळ आहे आंबा

त्याची चवच आहे न्यारी

पाहुणे रावळे आले घरी 

सरबराई करायला लई भारी ।।

तिरंगा आपला राष्ट्रध्वज

केसरी, पांढरा आणि हिरवा

विविध रंगाचे आकर्षण

प्रत्येकाना वाटतो हवाहवा ।।