लाइब्रेरी
प्रोफाइल
राक्षसी ढग
राक्षसी ढग
1 min
183
पुन्हा एकदा आकाशाला
काळ्या ढगांनी वेढले
अन् मातीतल्या लेकराचे
आशांचे पीक वाढले
पुन्हा एकदा दिनकराला
गर्द छायेने झाकले
अपेक्षांच्या हिरव्या प्रकाशाने
जमिनीचे भाग्य उजळले
पुन्हा एकदा त्या मेघांनी
आसमंत स्पर्शले
प्रसवाच्या भावनांनी
धरेचे अंतरंग हर्षले
पण...
हे राक्षसी ढग कसले,
जे जमिनीतून निघाले?
विनाशक नळकांड्यातून
आकाशात उडाले...
धुरांड्याच्या जहराने
आशेचा मृत्यू झाला
प्रगतीच्या काळ्या मार्गाने
बळीराजाच बळी गेला
