राजे मनामनातले

किल्ले शिवनेरीवर जन्मले

राजमाता जिजाऊंच्या उदरी

शिवाजी राजे प्रत्येकाच्या मनामनातले

संरक्षणासाठी आले रयतेच्या पदरी १

तलवारबाजी,दांडपट्टा शिकले

रायगडावर राज्याभिषेक झाला

मावळ्यांच्या सोबतीने खेळले

महत्त्व दिले जिजाऊंच्या शिक्षणाला २

सर्वधर्म समभाव समाजात ठेवून

हिंदवी स्वराज्य स्थापन करणारे

महिलांना संरक्षण,सन्मान देऊन

आग्र्याहून पेटार्यातून शिताफीने सुटणारे ३

गनिमी काव्याने शत्रूचा खात्मा करून

शाहिस्तेखानाची बोटे तोडणारे

अफझलखानाचा कोथळा काढून

औरंगजेबाला नामोहरम करणारे ४

महाराष्ट्रातील गडकिल्ले जिंकून

मावळ्यांसह त्यांचे वैभव वाढवणारे

रयतेच्या मनामनातले राजे होऊन

दैवत छत्रपती पदवी मिळवणारे ५

बाजीप्रभू,तानाजी असे एकनिष्ठ मावळे घेऊन

अगदी जीवाची बाजी करून लढणारे

पावनखिंडीत दुर्जनांचा वध करून

पराक्रमाने सारे गडकिल्ले सर करणारे ६

तुळजाभवानीची तलवार घेऊन

महाराष्ट्रात सह्याद्रीचा सिंह गर्जला

जिजाऊंची राजनीती,युद्धनीती शिकून

राजा हिंदवी स्वराज्याच्या हृदयात बसला ७

असा मुत्सद्दी,जाणता पराक्रमी राजा

शहाजी राजांचा शूरवीर छावा

त्रिखंडात दुमदुमला त्याचा गाजावाजा

शत्रूसाठी वापरतो तो नेहमी गनिमी कावा ८

असे हे राजे सर्वांच्याच मनामनातले

मुघलांसाठी मात्र कर्दनकाळ ठरले

त्यांच्या महान तेजस्वी कीर्तीला स्थान हृदयातले

जगभर राजे अमर झाले सर्वांच्या मनात भरले ९

राजे अजूनही तुम्ही महाराष्ट्राच्या मनामनातले

फक्त तुमची जयंती करण्यासाठी सारे आतुरलेले

पण नारींचे बलात्कार, अत्याचार नाही संपलेले

वाया गेले शाळेत तुमचे चांगले धडे शिकलेले १०