Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Medha Desai

Others

3  

Medha Desai

Others

पावसाचे रूप

पावसाचे रूप

1 min
12.1K


रिमझिम बरसणार्या जलधारांनी

मृद्गंधाचा फाया चहूकडे दरवळला

थंडगार,मनमोहक वार्यासवे तेव्हा

गवताच्या पात्यातून थेंब थेंब ओघळला १


पावसाचे साजिरे गोजिरे रूप

धरतीला ओलेचिंब करते

हिरवाईच्या चैतन्याचे सौंदर्य

तृप्त तृष्णेच्या धारा सृष्टीत भरते २


बळीराजाच्या सोनेरी पिकांतून

धनधान्याची रास भरून गेली

वरुणराजाच्या ओथंबलेल्या सरीतून

आभाळाची माया निसर्गाने केली ३


कधी दुष्काळाने धरती भेगाळली

मग पाण्यासाठी दाहीदिशा फिरायचे

कधी गारपिटीने पिकांची नासाडी

तेव्हा सारे अश्रूंचेच पूर वाहायचे ४


कधी अतिवृष्टीने हाहाःकार माजवून

मग जनजीवनच उध्वस्त व्हायचे

असे निसर्गाचे,पावसाचे रूप बेभरवशाचे

सृष्टीचे सौंदर्यही नष्ट करायचे ५


Rate this content
Log in