पुस्तक दिन

पुस्तकांची दुनिया न्यारी

रंगुन जाते जनता सारी..

कुणा वाटते कथेत गोडी

हातातुनी तो पुस्तक न सोडी ...

लांबलचक कादंबरी केवढी

टीकते गोडी वाचाल तेव्हढी ...

ललीत लेख हे बहु विषयांचे

सामाजिक अन् राजकरण्यांचे ...

भूत पिशाश्च , अन् राक्षसांच्या

भिती दाटते मनात मुलांच्या ...

रामायण , अन् महाभारत

इतिहासाच्या गोष्टींना , नसेच अंत ...

बाल काव्य हे मनास रीझवी

पुस्तकात , मुले सारी रंगून जावी ...

कवितांची तर गोष्टच वेगळी

तालावर गाता मज्जा आगळी ...

चित्रांची पुस्तके , नजर न ढळे

कधी चित्रांतुन गोष्टही कळे ...

अभ्यासाची ती पुस्तके न्यारी

वाचताच मुले हुशार सारी ....