पुन्हा नवा झोका
पुन्हा नवा झोका
चल सखे पुन्हा एकदा
नव्याने तोच डाव मांडू
निसटून गेलेले क्षण सारे
एकेक करून वेचून घेऊ
काट्यासम टोचले जे
शब्द तुझ्या मनाला
हळुवार उपटून काढताना
आत्मविश्वासाचे मलम लावू
नको अशी खचून जाऊस
मुठीत तुझ्या आभाळ आहे
पंखांना झालेली जखम ही
कालांतराने भरणार आहे
रूढी परंपरा उपेक्षांच
ओझं किती वाहणार आहेस
रडून रडून आटलेत तरी
अजुन किती अश्रू ढाळणार आहेस
लावुनी सारी हिम्मत आता
पुन्हा नवा झोका घे
जाऊ दे उंच झोका तुझा
स्वप्नांना बहर येऊ दे
स्वप्नांना बहर येऊ दे.....!!