पसरत जाते

दाट धूके आठवांचे जेव्हा मनात पसरत जाते

गतकाळाचे चित्र डोळ्यासमोरुन सरकत जाते

संशयाचे भुत जर का बसले मानगुटीवरती

संसाराच्या तव्यावरची भाकरी चटकत जाते

सट्टा मटका जुगार दारु व्यसन जडल्यावरती

गोकूळ नांदत्या घरदाराची मग बरकत जाते

 कर्ता बाप मेल्यावरती माय एकटी पडते अन्

 हिस्स्यावरुन भावा भावामध्ये खटकत जाते

मृग बरसतो शेत शिवारी भिजते काळी माती

आनंदाने लावणीसाठी नार बळीची मटकत जाते