नजर

पुरुष प्रधान 

संस्कृतीच्या चष्म्यातून

जेव्हा तुम्ही पाहता तिच्याकडे

तेव्हा तुमच्या मनात विकृती आणि 

वासनेची विषवल्ली फोफावू लागतेय जोमाने

पौगांडावस्थेत तिच्या होणारे बदल पाहून

तुमच्यातलं पुरुषत्व जागतं नको त्या विचारांनी

तेव्हा तुम्हाला ज्ञात असणारी सर्वच नाती

तुमच्या विस्मरणात जातात आणि

मनात खवळून उठतात 

अविचारांच्या लाटा

तिला ध्वस्त 

करण्यासाठी

आपल्या भाषणातून

विवेकानंदाचे उदाहरणे देतांनाही

जेव्हा तुम्ही समोर बसलेल्या तिच्याकडे

विशिष्ट नजरेने जेव्हा कटाक्ष टाकतात तेव्हा

तुमचा बेगडीपणा सहज लक्षात येतो तिच्या

अन् ती तिची घसरलेली ओढणी ओढून घेते

परोधरावर पुन्हा पुन्हा