पर्यावरण संरक्षण

पर्यावरणा शिवाय मानवी जीवन

विचारच नाही केला जाऊ शकत |

स्वार्थापोटी पर्यावरणाचाच -हास 

करून मानव कसा नाही थकत?| |१| |

पर्यावरण संरक्षण आज तरी

काळाचीच खरंतर आहे गरज |

सुखी समृद्ध जीवन जगु शकेल

मानव प्राणी अगदीच सहज | |२| |

वटवृक्षाच्या छायेतच खरे

आक्सिजन देई जीवनदान |

मर्म जाणून लावूयात वटवृक्ष

पर्यावरण रक्षणाचे कार्य महान | |३| |

जागतिक पर्यावरण दिनी संकल्प

करू या लावून जगवू एकतरी वृक्ष |

वृक्षतोड, प्रदूषणावर ठेवू नियंत्रण

नाहीतर जगणेच होईल सारे रूक्ष | |४| |