पर्यावरण गीत

वृक्षारोपण हे नित्य करावे

एक-एक झाड लावूनि आपण पृथ्वीला वाचवावे.......धृ

झाड असे सच्चे मित्र

संवर्धनाने बदलू चित्र ला- ला-ला

धरतीचे सुजाण पुत्र

जपती निसर्ग सूत्र

तुमच्या माझ्या विचारांतून साकार व्हावे.............१

वर्षाराणी हिरमुसली

वृक्षतोडीने ती रूसली

धरणीमाता व्याकूळली

पाण्यासाठी आसुसली

झाडे लावताच खुदकन हसली,वृक्ष गीत गावे........२

फळे-फुले,औषधी मुळी

ऑक्सिजन देई वृक्षवल्ली ला- ला- ला

झाडांमुळेच हिरवळी

मिळे आम्हांस सावली

झाडे लावून,झाडे जगवून नाते जोडावे.............३

कार्बनडायाक्साइडचा धूर

प्रदूषणाचा हा असुर

हरित क्रांतीचा नवा सूर

धरा करू हिरवीगार

या मातीला,या निसर्गाला प्रेमाने जपावे.......४