माय मराठी

महाराष्ट्राची मराठी भाषा महान या जगती

म्हणून शिकू,बोलू आपण गाऊया महती ||धृ||

माय मराठी,अमृतवाणी

सा-या भाषांमधे देखणी

साजशृंगार तिचा पाहूनि, सारे तिज वंदिती||१||

माय मराठी,संतवाणी

ओवी,अभंग, कीर्तन,गाणी

साहित्यिकांच्या लेखनीत,शब्दमाधुर्य गुंजती||२||

माय मराठी,मायबोली

सरळ साधी आहे भोळी

मानवतेशी जोडोनी नाती,निसर्गास पूजिती||३||

माय मराठी,तूच जननी

नतमस्तक मी जाहले चरणी

श्वासाअंती तुझीच जपू,थोर संस्कार संस्कृती||४||

माय मराठी,तुझा थाट

शब्दालंकाराचा घाट

मी मराठी असल्याचा मनी,अभिमान जागती||५||

माय मराठी,पल्लवी आशा 

महाराष्ट्राची राजभाषा

मराठी गौरव दिनी आज,डंका जगी वाजती||६||