प्रवासी

अवघड वाटेवरचा प्रवासी 

 पुढे पुढे तो निघाला

कधी पोटभर कधी उपाशी

मार्गावर तो चालला...१

मजल दर मजल भरधाव

थांबेना तो क्षणभर

ध्येय प्राप्ती धरलेली हाव

कमी होईना कणभर...२

 पोचायचे वेळेत पूर्ण प्रयत्न

त्यासाठी सोडले गाव

एक एक पाऊल चढून गेले

सारे रंक आणि राव...३

शिकस्त हीच प्रगती पथाची

असे गुरुकिल्ली थोर

उच्च पदावर जाता जाता

प्रयत्न असती घोर...४

मिळेना इथे सहज काहीही

जीवन प्रवास कठीण 

खडतर असो सोपा तरीही

सुखासाठी तो साहीन...५

लक्ष ठेवत ठाम धेय्यावर

निघाली ही स्वारी

आयुष्याच्या चढ उतारावर

शोधत औषधे खरी...६

जिथे तिथे लागली शर्यत 

कोण पुढे कोण मागे

चढती अश्वारूढ होत पर्वत

विकासाचे घेत धागे...७

मार्गदर्शक असे तो रस्ता

असती खाच खळगे

अनुभव हाच खरा शिक्षक

शहाणे होती मुलगे...८