प्रवास आयुष्याचा..!
प्रवास आयुष्याचा..!
निर्माता या चित्रपटाचा होऊनि किती कठीण भूमिका देतोयस
अभिनेता आम्हास बनवून खुशाल आनंद घेतोयस
रोज रोज काम नको देवा एक तरी सुट्टी असू दे
आयुष्याच्या या चित्रपटाला थोडा तरी रस येऊ दे ।।१।।
हृदयावर्ती किती ते ओझं तोच तोच संघर्ष का रे रोज
दुःखाच्या गर्भात जर रे सुखालाही जन्म घेऊ दे
आयुष्याच्या या.... ।।२।।
रोजचा तो एकाच दिनक्रम आता वीट आलाय देवा
कुणाच्यातरी पुढे जाऊन आता मलाही करायचाय हेवा
काट्यांच्या रानात जरा रे फुलांचाही वास येऊ दे
आयुष्याच्या या.. ।।३।।
नम्रपणा करत करत किती खाली वाकायचे
पोहोचू पोहोचू म्हणत म्हणत किती पाऊल टाकायचे
सतत लांब लांब दिसतो रस्ता
कुठेतरी वळण दिसू दे
आयुष्याच्या या ..... ।।४।।
इच्छांनी तर माझी कित्येक वेळा थट्टा केलीये
स्वप्नांची तर माझ्या मागेच हत्या झालीये
जीव तळमलतोय परमेश्वरा मोकळा श्वास तरी घेऊ दे
आयुष्याच्या या.. ।।५।।
जगावं तरी कसं देवा खूप मोठा प्रश्न पडलाय उत्तर कुठेच मिळत नाहीये
यमाचा चेहरा कित्येकदा पाहून आलो मी पण मरणही मला गिळत नाहीये
आयुष्य तर नकोच ए परमेश्वरा निदान जगण्याचा भास तरी होऊ दे
आयुष्याच्या या... ।।६।।