प्रत्येक कविता जखमी

सारेच म्हणतात कविता असते हुकमी

तरीही होते प्रत्येक कविता माझी जखमी

प्रतिभेच्या उदरातून शब्द देतात मला हमी

शोधून काढतात अवलिये त्यातही कमी.

मनाचा आवाज कविता, नसते राव बातमी

मनाशी संवादाची एक संधी असते नामी.

प्रसवते एक कविता शब्दातून येत असते एक उर्मी

हृदयी पोहोचण्याआधीच नका करु तिला जखमी.

मान्य, होते जरी रोज कविता माझी इथे जखमी

पुन्हा पुन्हा घेत राहीन रोज नवनवी जोखीम मी.