लाइब्रेरी
प्रोफाइल
प्रतिक्षा बळीराजाची
प्रतिक्षा बळीराजाची
1 min
272
मन झाले हो चिंतित
आता शिवार तापलं
लई भेगाळली भुई
द्येवा कवा गंधाळलं ? (1)
लागे नजर आभाळी
जाती नक्षत्रे कोरडी
नद्या विहीरी आटल्या
पिके पडली उघडी (2)
फक्त एक मार्ग दिसे
मला आता सुटण्याचा
फास घेताच सुटेल
प्रश्न आयुष्यभराचा (3)
गुरेढोरे भुकेलेली
पोरं चेहरे टाकून
अशामधी मृत्युसुद्धा
कसा घेईल वेढून ? (4)
असे जगणे-मरणे
देवा अवघड झाले
कर वर्षाव रे आता
प्राण कंठाशीच आले (5)
