प्रज्ञासूर्य डॉ. आंबेडकर
प्रज्ञासूर्य डॉ. आंबेडकर
जन्मा येणे दैवा हाती
करणी जग हासवी |
बाबासाहेबांचे समग्र जीवन
सन्मार्ग जगाला दाखवी | |१| |
१४ एप्रिल रोजी रामजी घरी
जन्मा आले जणू १४वे रत्न |
भारतीय राज्य घटनेचे शिल्पकार
ठरले भविष्यातील भारतरत्न | |२| |
अस्पृश्यतेचे घणाघाती घाव झेलून
दिले दलित समाजाला नव संजीवन |
अहोरात्र करून काम ,संघर्षाने प्रज्ञासूर्याने
अर्थपूर्ण ठरवले आपले स्वजीवन | |४| |
ग्रंथांचा करून विलक्षण संग्रह
अखंड ज्ञानार्जन विपुल लेखन |
दीन दलितांचे कैवारी होऊन
बौद्ध धर्माचा स्विकार करुन | |५| |
स्त्री पुरूष समानतेचा केला विचार
हक्कांचा संविधानात समावेश करुन |
त्या आग्रहासाठी प्रसंगी पदाचाही
दिला होता तुम्ही त्याग करुन | |६| |
आजही समाजाला मार्गदर्शनाची
व पंचशीलांची नितांत गरज आहे |
व्यसन व निष्क्रीयते पायी समाज
अधिकाधीक रसातळाला जात आहे | |७| |
तुमचे आदर्श उंची व व्यथा
त्यांना आजही नाही कळली |
तुमच्या आचार विचारांकडे
त्यांची पावले नाही वळली | |८| |
तुमच्या १३०व्या जयंती वर्ष दिनी
सारे करतो प्रणाम वारंवार |
परतून यावे तुम्हीच पुन्हा बाबा
होऊन समाजाचे तारणहार | |९| |