परिवार

परिवार म्हणजे कुटुंब 

आजी-आजोबांनी परिपूर्ण 

मायेची पाखर घालून 

स्नेहाच्या भिंतीत होते संपूर्ण ...१//

जुन्या काळी कुटुंबात 

गप्पात रंगायचं खूप वेळ 

मोबाइल ची दुनिया नव्हती

जुळून यायचा सर्वांचा मेळ….२//

 दुःखात असता अश्रू पुसणे

 कुटुंबच जाणून घ्यायचे

 सुखासाठी लढता-लढता

 संकटकाळी धावून जायचे….३//

 प्रेममाया संस्कार शिदोरी 

कुटुंबाचाच वारसा असतो 

विभक्त कुटुंबामुळे त्यांना 

नात्याच्या आदराचा गंध नसतो...४//

कुटुंबाशी बांधून गाठ

नकोच त्यात वादविवाद

थोर मंडळींचे आशीर्वाद घेवून

साधावा त्यातून गोड सुसंवाद...५//

कुटुंब म्हणजे मायेचा ओलावा

आप्त, स्नेही गणगोतानी

नात्याच्या साखळीत बांधून

अखंड, निर्झर वाही निःस्वार्थ स्रोतानी….६//