प्रेमाची गोड गाणी...

लाज फुलली गाली ,

माझ्या लग्नाची तैयारी ,

आज घडी विवाहाची आली ,

येते माझ्या उरात दाटूनी ,

बालपणीच्या उंबरठ्याची वाणी ,

ही रित जिवघेणी तरी दिवाणी ,

मनात फुलते प्रेमाची गोड गाणी ...

सुख स्वप्न नवे अन् नवे जग हे भासे ,

तो राजा माझा मी त्याची राणी ,

नव्या स्वप्नांत रंगले जग हे,

फुटली पंख मला उडणारी ,

कोवळ्या कोवळ्या स्वप्नाची ,

सांगते एक कहाणी ,

सनई चौघडा अक्षताने ,

झाली पुन्हा नात्यांची बांधणी ,

ही रित जिवघेणी तरी दिवाणी ,

मनात फुलते प्रेमाची गोड गाणी ...

हात सजले मेंदीनी ,

सुगंध सजणावरी दरवळणारी ,

भाव अनामिक मनात दाटूनी ,

डोळा येते पाणी ,

आई वडीलांची मी बाहूली ,

भातुकली मांडणारी ,

पदार्पण करणार संसारी,

हळदीने अंग माखुनी ,

सजली शालु चुडयांनी ,

पारिजात दारी फुलूनी,

दरवळतो दुसऱ्यां अंगणी ,

ही रित जिवघेणी तरी दिवाणी ,

मनात फुलते प्रेमाची गोड गाणी ...