प्रेम असून एकटी

त्याने माझ्यावर खूप प्रेम ,

     दर्शविले तो प्रियकर झाला,

          मी प्रियसी झाले का ?

                 माहित नाही l

त्याने लग्न करशील का?,

       विचारले मी हो म्हटले ,

             तो नवरा झाला,

            मी बायको झाले का?

                  माहित नाही l

त्याने मला स्त्रीत्व दिले,

       माझे विश्व बदलले,

           तो पुरुष झाला,

           मि स्त्री झाले का ?

                माहित नाही l

💞त्याने माझा जॉब बंद ,

.     केला मी घरात बसले,

       तो मुक्त फिरत राहिला,

          मी बंदिस्त झाले का ?

                 माहित नाही l

त्याने राणी सारखे तुला, 

     सुखात ठेवतो म्हणले,

           तो राजा झाला,

          .  मी राणी झाले का ?,

                  माहित नाही l

त्याने पुरुषार्थ गाजवला,

       मला मातृत्व मिळाले,

            तो बाबा झाला,

              मी आई झाले का ?

                  माहित नाही l

त्याने संसारात अडकवून,

   माझ्या सर्व आवडीनिवडी बंद,

        झाल्या,तो आनंदात रमला,

            मी सुखी झाले का ?

                  माहित नाही l

त्याने खूप पैसा अडका,

     कमावला तो वरिष्ठ गेला,

            तो श्रीमंत झाला,

             मी गरीबच राहिले का ?

                    माहित नाही l

त्याने खूप मान सन्मान ,

      मिळवला ,ताठ मानेने,

        जगला ,तो महान झाला,

           मी लहानच राहिले का ?,

                      माहित नाही l

त्यांनी मुलांसाठी खूप कष्ट,

    मेहनत घेतली असे तो सारखे,

     म्हणायचा ,तो चांगला बाबा झाला

             मी चांगली आई झाले का ?

                       माहित नाही l

त्याने मुलांना शिकवून खूप मोठे, 

     केले, ते आपल्या विश्वात रमले,

          तो तसाच बिझी राहिला,

             मी रिकामी झाले का ?,

                    माहित नाही l

त्याने मुलांना पंख दिले,

       ते दूरदेशी उडून गेले,

           तो म्हणतो मला,

           मी आहे ना सोबत,

               तो असताना पण,

                मी एकटीच राहिले का ?

                       माहित नाही ll