प्रारब्ध (अभंग)
प्रारब्ध (अभंग)
मुलगी पाहिली I पसंत ती आली ॥
बोलणी ठरली I ती लग्नाची ॥१॥
मंडप सजला | आला तो नवरा ॥
नवरी नखरा I करीतसे ॥२॥
लग्न ते लागले | झाले सुने सुने
केली ती प्रेमाने I पाठवणी ॥३॥
नवतीचे नऊ I सरले दिवस ॥
केला तो नवस | मुलासाठी ॥४॥
घरात विचारी | दया गोड बातमी ॥
घाल असे जन्मी | तू मुलाला ॥५॥
कुठे तरी काही | चूकत ते होते ॥
सदाच वाटते I मनोमनी ॥६॥
उघडले डोळे I ते दवाखान्यात ॥
मुलगी गर्भात I मेली असे॥७॥
प्रारब्ध हे कसे I पोटच्या मुलीचे ॥
स्वागत जन्माचे I गर्भपात ॥८॥