प्राजक्त

पहाटेची चाहूल लागताच 

 गारवा खास गंधाळला  

अंगणी प्राजक्त फुलांचा 

 सडा पडताच

 मंद परिमळ सुगंध सर्वत्र दरवळला  

गंध वेड्या सुगंधाची होता बरसात

 दरवळून जाते सारे अंगण  

प्रसन्न वाटून बेधुंद होते जसे मन 

 गंध अलौकिक याचा 

क्षणभंगूर असे जीवन  

रंग गंधाने याच्या होतो 

सुखाचा आभास  

ओठावरती अलगद हसू आणतात 

या शुभ्र फुलांची आरास☺️

 फांदीवरून ओघळतांना 

मातीलाही सुगंधित करतो  

छंद समर्पणाचा आगळा याचा, 

किती अलगदपणे जपतो😊 

प्रातःकाळी बहरलेला प्राजक्त

 दुपारी कोमेजुन जातो  

आयुष्य जरी एक दिवसाचे 

काम लाखमोलाचे 

 सुखदुःखाची थोर महती 

मर्म या जीवनाचे जगताना आपणास सांगून जातो

 मैत्री, नाती व्हावी अशीच  

जिवाला जीव देणारी 

जीवन असे सार्थ व्हावे 

प्राजक्त फुलापरी 

 

घेऊन शिकवण आपण 

या फुलांकडून 

सुख दुःखं वाटुन घेऊ सर्व 

मिळून आयुष्यात असेल 

आपल्याही सुगंध

 दृढ होतील तेव्हाच ऋणानुबंध😊 

 उघडून बघितले मनाचे द्वार व्हावेसे वाटले थोडेसे व्यक्त

बघितला जेव्हा अंगणी फुललेला हा प्राजक्त...🌸🌼