पण तुला तर जगावंच लागेल

कधी खूप दुःख दाटून येतील

कधी शब्द कंठ फुटून येतील

संपेल ही तुझ्या जवळचे सारे

जवळचे नातेही तुटून जातील

त्यातून तुला सावरावच लागेल

पण तुला तर जगावंच लागेल...

रडुन घे मानसोक्त आतून तू

पण वरून ठेव चेहरा हसरा

आयुष्य तुझं पांगुन जाईल

जसा पांगतो घराचा पसारा

तुला रे ते अवरावंच लागेल

पण तुला तर जगावंच लागेल

आयुष्य इतकही स्वस्त नाही

की खुशाल लटकून घ्यावं

दुःख असले जरी आयुष्यात

तरी का जगणं सोडून द्यावं

खरं सुख तुला शोधावच लागेल

पण तुला तर जगावंच लागेल

अंधाराला घाबरलास जर तू

उजेड तुला रे दिसेल कसा...

तिमिरातून तेजाकडे जाणारा

तो रस्ता तुला गवसेल कसा...

तिमिरातून प्रकाशाला यावचं लागेल

पण तुला तर त्यासाठी जगावंच लागेल...

जगावच लागेल...