पाऊस

सरसर धारा ग्रीष्म ऋतूच्या

 ओलीचिंब धारा

हिरवा साज छटा आगळ्या

इंद्रधनू देेेेखणा

पडघम पडघम निनाद करतो

गर्जतो अंबारी

कधी बरसतो तालासुरात

थुई थुई नाचुनी

 रानोरानी डोलती पिके

धनी सुखावतो

आनंदाने डोळे पानावती

कृतकृत्य होतो

नद्या तळी तुडुंब भरुनी निसर्ग

थंडावा पसरवतो

भेगाळल्या धरणीचा

दाह शांत करतो

असाच ये तू सुख बरसुनी

घरे ना वाहू दे

जीवितहानी नको नको

हर्षाने बरसो