नववर्षाचे स्वागत

मरगळ गेली, संपले वीस हसत आले एकवीस साल 

कर गरीबी दूर देवा सगळे होऊ दे मालामाल 

पळून जाऊ दे सारे विघ्न 

कामात ठेव सगळ्यांना मग्न 

हरवले बाळाचे बाळपण करु दे दंगा मस्ती 

गप्पाटप्पा तरूणांच्या नाक्यावर असू दे वस्ती 

वडाच्या पारावर गतकाळच्या आठवणी 

झाले लग्न, करायची सासरी पाठवणी 

नव्या वर्षात उंच मारू गरूडभरारी 

पूर्ण करू अडलेली कामं सारी 

यश निश्चित, धावायचे यशाच्या वाटेवर 

उगवत्या सूर्याचे सहस्त्रकिरण पडावे पहाटे काळ्याभोर डोंगरमाथ्यावर