नवीन सुरुवात
नवीन सुरुवात
खचलेल्या मनाला सांग थोडासा ब्रेक घे
विश्रांतीची गरज आहे एक तरी टेक घे
विचारांना शांत कर निरभ्र आकाशाकडे बघ
निळ्याशार आकाशात धावणारे ढग बघ
नवीन सुरुवात करायची तर पाटी कोरी असावी
मनातली जळमट दूर करत चेहऱ्यावर लकाकी दिसावी
दुर्लक्ष कर अपयशाकडे पुन्हा वाटचाल सुरू कर
केलेल्या चुकात दुरुस्ती करून प्रयत्नांना साध्य कर
नव्या आव्हानांना तोंड देत पावले पुढेे टाकत राहा
सकारात्मक विचारांनी जगाला नव्याने पहा
बघ तुझा आत्मविश्वास पुन्हा नव्याने वाढेल
जगण्याची नवी उमेद सुख पदरात पाडेल