नजरानजर

*वळणावर एका अचानक*

*झाली नजरानजर*

*हृदयाची धकधक वाढली*

*मनाला घातला आवर*.....१

*झालो घायाळ मी*

*पाहून लावण्य व रूप*

*स्वप्नातली राणी माझ्या*

*होती अगदी अनुरूप*......२

*नजर कटाक्षाने लागला*

*बाण माझ्या कोमल हृदयात*

*स्वप्ने रंगविली भविष्याची*

*मनातल्या मनात*........३

*स्मितहास्याने तिच्या*

*परमानंद झाला मनोमनी*

*जीवनाचे सार्थक झाले*

*जणू या मानवजन्मी*......४

*आरवण्याने कोंबड्याच्या*

*अचानक जाग आली*

*स्वप्नभंगाने माझी*

*धुळधाणच उडाली*.....५