मृत्युंजय..
मृत्युंजय..
शिवबास संस्कारून चेतवली
ज्योत हिंदवी स्वराज्याची ;
शब्दही पडतील थिटे
थोरवी वर्णाया शिवछत्रपतींची .
जिजाऊ शहाजीच्या शिवबाने
स्वराज्याचे तोरण बांधले ;
फितुरांच्या फितूरीला
तलवारीने शिरच्छेद केले .
भूगोल समृद्ध किल्ल्यांनी तर
इतिहास शिवपराक्रमाने साकार झाला;
सुलतानशाही उलथवून शिवबा
प्रजेचा तारणहार झाला .
तळहातावर मरण पेलण्याचा
वारसा सकलांना दिला ;
शिवबा "मृत्युंजय "होऊनी
इतिहासी अमर झाला .
चंद्र- सूर्यही झुकले
मुजरा करण्या शिवरायांस ;
ऐसा प्रतिपालक जाणता राजा
पुन्हा न मिळणे या जगास.
देह झिजवला रयतेसाठी
शिवबाने बनुन "चंदन" ;
शिवगुण- शिवविचारांना
आमचे त्रिवार वंदन.