मी माझा भारत...!

मी माझा भारत .....!

मी स्वतंत्र ,मी स्वतंत्र ,मी स्वतंत्र आहे

आनंदाने मी स्वातंत्र्याचे गीत गात आहे।।धृ।।

काय दिले मज देशाने

ते पहात आहे

मोकळ्या श्वासाचे मी

जीवन जगत आहे....।।१।।

पोटभर भाकरी

मी खात आहे

अंगभर कपडा

अंगावर घालत आहे...।।२।।

निवारा मायेचा मजला

मातृभूमीच्या कुशीत मिळत आहे

विचारांना माझ्या येथे

मोठे मानक लाभत आहे....।।३।।

उज्वलतेचा केशरी मनोहर

सात्विकतेचा सफेद खरोखर

सम्पन्नतेचा हिरवा घेऊन पहा

अशोक चक्रांकित तिरंगा नभी फडकत आहे।।4।।

तिरंग्याला घेऊन हाती

देश छाती फुगवत आहे

स्वातंत्र्याचे गीत सुंदर गाता

सारे ब्रम्हांड कौतुकाने पहात आहे।।५।।

अभिमान मला माझ्या देशाचा

मी स्वतंत्र भारताचा नागरिक आहे

स्वातंत्र्यासाठी ज्यांनी बलिदान दिले

त्या सर्वांना मी मानवंदना कृतज्ञतेची देत आहे.।।६।।

मी स्वतंत्र मी स्वतंत्र मी स्वतंत्र आहे

आनंदाने मी स्वातंत्र्याचे गीत गात आहे।।धृ।।