मी कोण?
मी कोण?
कलाकृतींमधला एक इवलासा टिंब
हलकेच पानांवरून ओसरणारा दवाचा थेंब
हिरवे दिलखुलास सळसळणारे पान
कोकीळेच्या गीतातली सर्वात सुरेल तान
समुद्राच्या भावनांचा तो खळखळाटाचा आवाज
निळेशार नभातील शुभ्र चांदण्यांचा साज
प्राजक्ताच्या फुलांमध्ये उमलणारी कळी
वेचून घ्यावीत अशी सुंदर बकुळी
मी कोण? एक नभातील विहग
पंखांनी क्षितीजाकडे झेपावणारा,
आनंदाच्या फुलपाखरामागे निरागस
चिमुकला बाळ मी धावणारा
आशेचे किरण शिंपडणारी सकाळ मी,
आनंदाने निरोप घेणारी रम्य संध्याकाळ मी...