आभास

दिगंतरात मावळला दीप

वाटतं तो काळ आला समीप 

चीरनिद्रेत जाईल तासनतास 

मनाला हा होतो आभास....

प्रकाशित अंगणात काळीभोर छाया 

नकळत जाणवते जीवनाच्या उत्तरार्धाची माया

उरली न मनात जगण्याची आस

मनाला हा होतो आभास....

लागलाय मनाला देवाचा ध्यास 

मनवेलीवर उत्तर नसलेल्या प्रश्नफुलांची आरास

क्षणभंगुर विचारांचा होईल नाश ,

मनाला हा होतो आभास.....

सौंदर्य न दिसे नयनांस 

आनंद न उमलते मनात, 

आराम न क्षणभराचा तनास, 

मनाला हा होतो आभास.....

न कुठली चिंता, न कुठले भय

जीवनाच्या संगीताला उरली नाही लय,

दुसर्यांना होऊ दे माझ्या शिवाय जगण्याची सवय,

मनाला हा होतो आभास......