मी काहीतरी लिहावं....!

मी काहीतरी लिहावं

आणि तू ते वाचावं.......

दाटून आलेल्या ढगांनी

असच धुवादार बरसावं.....

तुझ्या आठवणीतं

मनातील मोरांनी ही नाचावं...

मादक अश्या त्या चाफ्यानी

पहाट होता होता उमलावं

तुला आठवताना फक्त

एकटक तुलाचं पहावं

प्राजक्ताने ही तेव्हा अंगणात

भान विसरून झडावं-.....

तु येणार या आनंदाने

सुगंधाने ही भरून वहावं

गज-यात गुंफण्यासाठी

तेव्हा मोग-यान ही फुलावं.....

तुझ्यासाठी मनाला

कितीदा फसवावं

काटयातून डूलणा-या

गुलाबाने ही खोटचं हसावं.....