मैत्रीचा रंगमंच

आयुष्य बहरत जातं हळूहळू, मैत्रीच्या रंगमंचावर

सरकत जात पुढे-पुढे, मैत्रीतल्या कलारंगांसह

कैक प्रसंगांचे साक्षीदार ठरलेले रंगकर्मी,

त्यांचे चेहरे बदलतात, भूमिका कायम राखत

प्रत्येक सुख-दुःखात सामील झालेले हे रसिक,

अथक साथ निभावतात, प्रामाणिक प्रतिसादासह

यांबरोबरच घडत जातो आयुष्याचा एकेक अंक,

अनेकविध कलारंगांचे उमलत जातात जीवनपुष्प

इथेच जीवश्च मैत्री होते, एक भव्य-दिव्य व्यासपीठ

अन् हरेक कलाकार जन्मतो, नवनव्या प्रवेशांसह