हातातून हात निसटतो जेव्हा
हातातून हात निसटतो जेव्हा
सागराच्या प्रचंड लाटा
किनाऱ्यावर येऊन आदळतात
डोळ्यातले थेंब काही
नकळत कडा ओलांडतात
हातातून हात निसटतो जेव्हा...
तिच्या अन त्याच्या सोबतीचा
किनारा साक्षीदार होतो
दोघांच्या सहवासाचा गंध
आजही ओल्या मातीत दरवळतो
हातातून हात निसटतो जेव्हा....
त्याचा आभासी स्पर्श
तिला क्षणभर लाजवतो
हाच त्याचा आभासीपणा
पाहून पाऊसही लाजतो
हातातून हात निसटतो जेव्हा....
हा विरह सरण्याची आशा
तिच्या मनात डोकावते जेव्हा
मुक्या कळीचे बोलके
फुल उमलते तेव्हा
हातातून हात निसटतो जेव्हा....