Library
Profile
मैत्री मैत्रीचा धागा
मैत्री मैत्रीचा धागा
1 min
420
मैत्रीचा धागा
प्रेमाने बांधते
जन्मोजन्मीची नाती
मैत्रीतच पाहाते
मैत्रीविना आयुष्य
रुक्ष नि भकास
मैत्रीतच सामावते
धरती नि आकाश
दोन अक्षरी शब्द
व्यापकता मैत्रीत आहे
कृष्ण-सुदाम्याची मैत्री
आजन्म पवित्र आहे
नाही भेदभाव कुठे
नाही जातीचा गंध
दाही दिशा दरवळे
मैत्रीचा सुगंध
मैत्रीतच असतो
निर्मळ मनाचा भाव
मैत्रीतच वसतो
सारा प्रेमाचा गाव
दुःखाच्या वाळवंटात
मैत्री आधार देते
सुख-दुःखाच्या वाटेवर
मदतीचा हात देते
मैत्रीमध्ये नसते
रक्ताचीच नाती
मैत्री म्हणजेच असते
अनमोल प्रीती
