माय मराठी
माय मराठी
मराठीचा मान।। मराठीच शान
भाषा अभिमान।। मनी माझ्या
मराठी बोलीचा।। किती थाटमाट
सुंदर पहाट।। दिसे जणू
रूप लावण्यात।। नटली सजली
राणी प्रगटली।। भाषेची ती
चौदा अलंकार ।। तनुवरी साज
बहरली आज।। बहू रूपे
कानामध्ये डूल।।नाकामध्ये नथ
बिंदी मधोमध।। लेऊनिया
भरजरी शालू।। सुंदर पदर
मनाचा आदर।। करीतसे
मोहूनिया मन।। जीवनी आनंद
तरल स्वच्छंद।। रूपे बहू
मराठी भाषेचा।। असे स्वाभिमान
मनी बहुमान ।। मिळवीशी
संत साहित्यात।। मराठीचा साज
मराठीचा बाज।। सजलेले
कथा नि कविता ।। ललित साहित्य
बहरले नित्य।। भाषेमुळे
संस्काराची खाण।।दिसे रूपवान
कीर्तीच महान।। युगेयुगे
कथा कादंबरी।। रूप बहरता
आंतरिक चित्ता।। बहरते
साहित्याची गोडी।। नित्य मज लागे
मन धाव वेगे।। आनंदाने
मराठीचा ध्वज ।। उंच फडकला
आनंद जाहला।। आतोनात