प्रेम माझे गीत झाले

मनमोर झाले प्रिया

पावसात भिजताना

चिंब चिंब तनमनी

तूझी साथ असताना

हात तुझा माझ्या हाती

धुंद पावसात न्हाऊ

मोरपंखी प्रेम माझे

मोरपिशी स्वप्न पाहू

मनमोर चित्तचोर

भावनांना घाली साद 

सुख माझ्या जीवनी तू

तूच माझा प्राण नाथ

धुंद झाल्या भावना त्या

लाली चढली हो गाली

अधरांची मूक बोली

कशी मनाला कळाली

भाव माझे गीत माझे

मेघ मल्हार गायले

प्रेम सरी बरसल्या

आठवात मी नाहले