लाइब्रेरी
प्रोफाइल
आला श्रावण
आला श्रावण
1 min
151
हिरवा शालू नेसून आला
आला माझा श्रावण
साजणी बाई
नवलाईने नटला मनभावन
झुळझुळ वाहे नदी नाले अन्
खळखळ वाहे पाणी
कोकीळ गातो मंजुळ गाणी
सुगंधली रातराणी
सण, उत्सव घेऊन आला
आला माझा श्रावण
साजणी बाई
नवलाईने नटला मनभावन
हरित पल्लवी, तृणपाती
वृक्ष लताही डोले
रंगीत गंधित पुष्पलता ही
वृक्ष लतांवर उमले
सुगंधी अत्तर लावून आला
आला माझा श्रावण
साजणी बाई
नवलाईने नटला मनभावन
मखमल मलमल हिरवी धरती
नववधू जणू शोभते
मेघ बरसता काळे काळे
चिंब धरा ही भिजते
श्रावण सरी या बरसत आला
आला माझा श्रावण
साजणी बाई
नवलाईने नटला मनभावन
