माय माऊली

धन्य धन्य ती "माझी आई",

तिच्याशिवाय माझे विश्वच नाही ||

उदरातील यातना सोसुनी तिनेच मला वाढविले,

तिच्या त्या वेदना आता मज कशा ना कळे ||

माझी आई असे भगवंत सम माऊली,

कोरड्या माझ्या जीवनी दिली तिने उबदार सावली ||

तिच्या ममतेची माया मज वाटे स्वर्गाचा दरवाजा,

कष्टाची नेहमी तिला का हो मिळतसे सजा ||

एकत्र कुटुंबाचा डोलारा तिने सक्षमतेने पेलला,

या जगी आईपेक्षा मोल दिसे ना मज कशाला ||

धन्य धन्य ती "माझी आई",

तिच्याशिवाय माझे विश्वच नाही ||