जगण्याची आस

मरता मरता वाचलो

अन् वाचता वाचता जगलो

कधी कुणावर प्रेम करता

आपणच उगाच त्यात फसलो

कष्ट करूनी वाटतं आता

आपण सारं जगच जिंकलो

मागे वळून काही पाहताना 

जिंकण्याच्या नादात उगाच भरकटलो

जिद्द आहे ऊरी लढण्याची

मग का करावे हरलो की जिंकलो

कुणी साथ देवो की न देवो

हार न मानता आजही प्रयत्नांनी लढलो 

गर्व कशाचा आता नाही मनी 

आयुष्याच गणित बरोबर सोडवत राहिलो 

मरता मरता वाचलो

अन् वाचता वाचता जगलो