खोडकर पाऊस
खोडकर पाऊस
जीवनी असे कधी आसू तर कधी हसू,
खोडकर पाऊस मन रिझवी नभी बरसू...
निरागस बालकासारखे अवखळ होऊनी,
खेळूनी,बागडूनी अन् रडूनी करी पाणीच पाणी,
आयुष्यातील जीवनाचे हे आनंदाश्रू,
खोडकर पाऊस मन रिझवी नभी बरसू...
आकाशातील मोती पाडी या धरतीवरी,
भरुनी रांजण जना पुरता सुखी करी,
आयुष्यातील जीवनाचे हे आनंदाश्रू
खोडकर पाऊस मन रिझवी नभी बरसू...
सरींवर सरी पेरूनी,निसर्ग सारा बहरुनी,
देह आपला भिजवूनी,मनी हर्ष मोहरूनी,
आयुष्यातील जीवनाचे हे आनंदाश्रू,
खोडकर पाऊस मन रिझवी नभी बरसू...
खट्याळ,उनाड,मनमौजी उपमा त्यालाच त्या शोभे,
गगनातील इंद्रधनुष्य येऊनी जीवनी रंगी साजे,
आयुष्यातील जीवनाचे हे आनंदाश्रू,
खोडकर पाऊस मन रिझवी नभी बरसू...
जीवनी असे कधी आसू तर कधी हसू,
खोडकर पाऊस मन रिझवी नभी बरसू...